• Maskuribai Industrialdea 1 - 19 Pabilioia. Amurrio (Araba)
  • 676670156 / 945892739
  • burubioke@gmail.com

Bilatu

Rock gau potentea izango duguna ostiral honetan Burubio Kultur Elkartean.

Alde batetik, Iparraldeko Willis Drummond rock taldea izango dugu gurean. 2017an euren azkenengo diskoa kaleratu ('Tabula Rasa' izenburukoa) eta Japoniatik bira egin ostean datozkigu Felix Buff (bateria), Xan Bidegain (baxua) eta Jurgi Ekiza (kitarra, ahotsa) euren hirukote formatua estreinatzera.

Bestalde, Mocker's talde gazte durangarra ere 'Beats of Freedom' bere azkenengo lana aurkeztera datozkigu Burubiora, Hard Rocka, Bluesa eta Rock psikodelikoa euren estiloaren oinarriak direlarik. Jonek, Asierrek eta Ritxik, Euskal Herriko rockaren etorkizuna euren eskuetan daukate.

Ostiral honetan, hilak 23, Moonshine Wagon eta Mud Candies taldeak izango ditugu Burubio Kultur Elkartean.

Goiatz Dutto laudioarraren taldea laukote formatuan datorkigu oraingoan, 2017. urtean argitaratutako euren azkenenego lana aurkezteko asmoz, 'Porca Miseria' izenburukoa. Goiatz, Mud Candies taldeko Victor, Iñigo eta Willen laguntzarekin batera sortu du formazio berria, hauek izango baitira orain kontrabaxuan, kitarran eta baterian Moonshine Wagonen kantuak apainduko dituztenak. Moonshine Wagonek bigarrenez zapalduko du Burubio Kultur Elkarteko eskenatokia, aurreko urtean hankaz gora jarri baitzuten eta oraingoan, nola ez, errepikatzeko asmoz datoz.

Bestalde, Mud Candies talde bilbotarrak euren country eta bluegrass dosia ekarriko digu oraingoan. Kasu honetan, Mud Candies taldean Victorrek, Iñigok eta Willek Xandra de la Vegaren ahots ederra daukate bidaikide eta izugarria izan daiteken gau bat borobiltzera datozkigu Burubiora.

Bi izango dira Otsailean Burubio Kultur Elkartean izango ditugun kontzertu gauak.

Alde batetik, Otsailaren 17an Skunk D.F. talde madrildarra Sealed Room bizkaitarrekin batera etorriko zaizkigu gurera, euren metal riffak deskargatzeko asmoz.

Bestalde, Otsailaren 23an, Folk eta Bluegrass gaua izango dugu Moonshine Wagon eta Mud Candies taldeek osatuta. Goiatz Duttoren proiektuak bigarrenez astinduko du Burubio Kultur Elkarteko eskenatokia.

Burubio Kultur Elkarteak pixkanaka-pixkanaka bere muga musikalak irekitzen doa eta horren adierazgarri izango da datorren Otsailak 17 Skunk.D.F. metal talde madrildar historikoak Sealed Room talde bizkaitarrarekin batera emango duen kontzertua.

2016 urtean Maldito Records zigiluaren sinadurapean argitaratutako euren azkenengo lana aurkezten, "Pigmalión" izenburukoa, Skunk D.F. taldeak "Pigmalión Tour 2018" biraren baitan egingo du geldiunea Burubion. Bira honek, besteak beste, Segovia, Almeria, Murcia, Kanaria Handia eta Bartzelona bezalako estatu mailako hiriak ere zapalduko ditu.

Pepe Arriolsek, David Ramosek, Xavi Igualek, Germán Gonzalezek eta Eduardo Brenesek Burubio Kultur Elkarteko eskenatokia lehenengo aldiz suntsituko dute.

Bestalde, Sealed Room metal taldea Gernika eta Bermeo bitartean sortu zen 2000 urtean eta Iñigoren ahotsek, Daviden baxuak, Mikelen kitarrek eta Txemaren bateriak osatzen dute. Oraingoan, Xanperen gidaritzapean Koba Estudioetan grabatutako "Obsero" izenburuko euren azkenengo lana aurkeztera datoz Burubio Kultur Elkartera.

Larunbat honetan, hilak 27, Bultz eta The Friday's Crew taldeak izango ditugu Burubio Kultur Elkarteko oholtza gainean.

Iheskide, Pixontxis eta Kruders bezalako taldeen erraietatik sortutako proiektua daukagu Bultz. Abadiño eta Elorrio bitartean eman zituzten Xaguk, Ibaikok, Txibillok eta Liherrek 2016 urtean Punk Rock proiektu honen lehenengo pausuak.

Orain, Burubion euren lehenengo diskoa aurkeztuko digute, 'Erraiak'.

Bestalde, The Friday's Crew talde azpeitiarrak 2005 urtean eman zituen bere lehenengo urratsak. eta oraingoan disko berria dakar besapean Burubio Kultur Elkartera, 'Harresien Gainetik' izenburukoa. Markesak, Labakak, Harrik, Kustok eta Iosuk osatzen duten boskoteak ere Punk Rock estiloa jorratzen du, eskenatokian energia guztia uzten dutelarik.