• Maskuribai Industrialdea 1 - 19 Pabilioia. Amurrio (Araba)
  • 676670156 / 945892739
  • burubioke@gmail.com

Bilatu

Gaur gauean, Eraso!, Fetitxe eta Free The Wheel taldeak arituko dira Burubio Kultur Elkarteko taulagainean. Hasteko, Free The Wheel stoner rock taldeak epe luze batean emango duen azkenengo kontzertua izango da gaurkoa. Bestalde, Arrigorriaga eta Zaratamoko Fetitxe taldeak bere azkenengo lana aurkeztuko du Burubion, Polyhedron izenburukoa. Azkenik, Eraso! talde zarauztarrak bigarrenez zapalduko du Burubio Kultur Elkarteko eszenatokia, oraingoan bere Inoren Lurretan lan berria aurkezteko asmoz.

Datorren Azaroaren 30ean UdazkenMetal jaialdia ospatuko da Burubio Kultur Elkartean. Bertan, Childrain talde Gasteiztarrak bere metal riff guztiak eskeiniko ditu, diska berria hemendik gutxira argitaratuko dutelarik. Childrainekin batera, Izatefaltsua talde amurrioarrak, Meltdown Hernaniarrek, The Broken Horizon iruñearrek eta Minerva gasteiztarrek osatuko dute jaialdiaren kartela. Sarrerak dagoeneko salgai daude hurrengo estekan: https://www.ticketea.com/entradas-udazkenmetal-en-burubio-ke/?fbclid=IwAR2QxTtK6m8cS4oKO_2-c8YzkJQE5SxCsDksk2xn8zsmyMVravUOXS8faAY

Datorren Irailaren 16an, Artzai egunari bukaera emanez, Akerbeltz erromeria taldeak emango dio hasiera Burubio Kultur Elkartearen denboraldi berriari. Landerrek, Emiliok, Kalbok, Guruznek eta Jonek osatzen duen taldea hirugarrenez igoko da Burubio Kultur Elkarteko eskenatokira oraingoan. Kontzertua doanekoa izango da eta arratsaldeko 18:30etan hasiko da.

Datorren ostiralean, arratsaldeko 19:00etan, I. Amurriock banden lehiaketaren finala izango dugu Amurrion. Aurreko bi hilabetetan zehar burututako lehiaketaren finalistak honako hauek dira:

Alde batetik, Metal eta Rock estiloak jorratzen dituzten taldeen artean, finalerako sailkatutako taldean Deus Ez eibartarrak eta Oslo Ovnies errioxarrak izan dira.

Bestalde, bestelako estiloen kategoriako finalistak, Donibane Lohizuneko Tristtan Mourguy eta Horeba taldea eta Meridian hirukote bilbotarra.

Hurrengo larunbatean, Apirilak 7, bi euskal talde izango dira Burubio Kultur Elkartean euren lan berriak aurkezten.

Alde batetik, Lide Hernando rock eta soul abeslariak lidertzat daukan Liher talde donostiarrak bigarrenez zapalduko du Burubio Kultur Elkartea. Oraingaon euren 'Tenpluak Erre' disko berria aurkeztuko du Liher taldeak.

Bestalde, Maria Rivero, Gorka Chamorro Eriz Perez eta Joseba Urruela bizkaitarrek osatzen duten Siroka taldeak bere bostgarren diskoa aurkeztuko du Burubion, 'Buruz Behera' izenburukoa. Diskoaren aurkezpen biraren lehenengo kontzertua izango da hau.